Aanaarjäävri ravvuuh já njuolgâdusah

Ravvuuh miälloi

• Aanaarjäävrist láá maaŋgah priivaat ulmui omâstem kámpáh já laddim toi aldasáid ij lah sopâvâš.
• Luándust jođedijn kalga nuávdittiđ juáhháá vuoigâdvuođâid (suomâkielân).
• Miälloo kalga váruttiđ moottorikárbáid kezis čoolmijn, toi pajedem monnjâpááruh pyehtih komettiđ joba kaanoot. Moottorkárbáh iä pyevti čahhiđ kezis väävlist, talle vaarân lii vyeijiđ káárgun.

Kuálástem

• Miällum lasseen puáhtá meid kuálástiđ. Aanaarjävri lii maaŋgâi uštei ko šlivgoi-uv kyeliäitti. 
• Vuoggâkuáláástmân Aanaarjäävrist taarbâš kuálástemmáávsu (eraluvat.fi, suomâkielân) (ohtâ stággu) já lasseen Meccihaldâttâs Aanaarjäävri astoääigikuálástemlove lopekuávlun (eraluvat.fi, suomâkielân) (maaŋgâ stáágun). Aanaarjäävrist uážžu jieŋâalnuágguđ já uágguđ juáhháá vuoigâdvuođáin.
• Loveh já kuálástemravvim: Meccihaldâttâs Avveel palvâlemčyegis, puh. 0206 39 7701 sehe Paje-Laapi luándukuávdáš Siida puh. 0206 39 7740 já Meccihaldâttâs nettikäävpâist (verkkokauppa.eraluvat.fi, suomâkielân).

Muuneeldrahttâttâm

Mätkipuhelin kulluuvâšvuotâ

Veikkâ Suomâ mätkipuhelinviermih láá-uv luávdeeh, pyehtih Aanaarjäävrist leđe iptosajeh. Täärhist mätkipuhelinviermi luávdeevuođâ matkapuhelinoperaattorstâd. Lasseen ain láá sajeh, moin mätkipuhelin ij tooimâ tâi puheluin láá hemâdâsah. Tágárijn tilálâšvuođâin puáhtá išediđ ovdâmerkkân ucâlum váhá aaleeb sajan, jolgâ pááikán. Kannat meiddei väldiđ uáinun, et jieškote-uv mätkipuhelimij kooskâst láá iäruh kulluuvâšvuođâst.

Torvolâšvuotâ

• Toolâ puhelin (já riššâsaagijd) lummoost čäcijiehhee paakâst. 
• Ele vyelgi máátkán kárbáinjotteemkártáttáá já kompasttáá.
• Keevti miäludijn ain kobđomliivi.
• Jäävri čääci lii koolmâs. Váárut ton keežild čáácán karttâm. Šiev vuoijâmtáiđugin ij iššeed kolmum vuástá.
• Kajakkist kannat leđe kievđâ, tivvoompiergâseh já värimeeli.
• Väärrid nokko lieggâ já piegâtuállee pihtâsijd määđhi várás, meid lieggâ kappeer já kistuid. Kumikistuuh tuálih vaacâid koškesin. Pakkaa pihtâsijd nuuvt et toh jiehih čääsi.
• Vääldi fáárun čuoškâmiirhâid já vuosâišepiergâsijd.
• Čääli noomâd já vuávájum kiäinud ävđintuvij kyessikirjijd, ko tiätu iššeed jis čájádah.
• Vääldi huámášumán, et jođáh vijđes meccikuávlujäävrist, mast iše uážžum váldá ääigi. Iše tiilájuvvoo ain etinumerist 112.
• Keejâ meiddei vandârdemčuosâttuvvâd äigikyevdil-sijđo (suomâkielân).
• Tiätu miällum torvolâšvuođâst já riäiduin: Torvolâš miällum (melontajasoutuliitto.fi, suomâkielân) já Miällumuápis (melonta.wasalab.com, suomâkielân). Keejâ meid Vandârdem ABC.

Iveääigih

• Kárbáinjotteempaje álgá kesimáánu aalgâ peln já juátkoo čohčâmáánu loopân. Pyeremusah miällumšooŋah láá syeini-porgemáánust.  
• Čuoškah láá enâmustáá 25.6. – 15.7. koskâsii ääigi. Jis tun orostah iijân miäcán, te veelti piegâttes, jiäggáás já suovkkiis soojijd. Čuoškah iä makkuu jolgâ suolluin jorŋâčasij roobdâst.
• Seesooŋkääigih
  • Syeini-porgemáánust jäävri alne láá ennuv jotteeh, kesimáánust já čohčâmáánust uccáá.