Čaarmâuáivái meccikuávlu lii Avveel–Njellim-maađij (969) já Avveel–Räji-Joovsep-maađij (91) sehe Ruošâ rääji hammim kulmâháá kaskoo.
Jotteemohtâvuođah
Autoin
-
Čaarmâuáivái meccikuávlun piäsá älkkeht jieijâs autoin ko vuájá Avelist Räji-Joovsep maađij (91) kuávlun suullân 20 km, kogo kalga iärániđ tavas Naŋŋâjäävri mecciautomaađij oolâ. Mecciautomaađijist láá maaŋgah kiäinuh meccikuávlu rááján. Vyeijimmätki Räji-Joovsep maađij mield čoggâšuvá suullân 25 km.
-
Meccikuávlu taavaabel piäsá vyejimáin Avelist Njellim (kuávlumaađij 969) kuávlun suullân 20 km, mast kalga jorgettiđ nuortâs Kondosjäävri maađij oolâ (Kontosjärventie). Vyeijimmätki Njellim maađij kulen meccikuávlu rááján lii 10 - 20 km.
Almos jotteemriäiduiguin
-
Junáin (vr.fi, suomâkielân) piäsá jyehi peeivi Ruávinjaargân, mast jotkâohtâvuotâ linjâšautoin Avelân. Njellim maađij piällást lii vala ucemustáá suullân 10 km väzzimmätki meccikuávlu rááján. Linjâšautoin äigitaavluh (matkahuolto.fi, suomâkielân).
-
Kirdemmašináin (finavia.fi, suomâkielân) piäsá jyehi peeivi Helsigist Avelân.
Vandârdem vyelgimsajeh
Parkkisajeh iä lah, mut hiäivulii mecciautomaađij puáhtá keččâđ káártást já kyeđđiđ autos ton piällás.
Káártáh
- Meccihaldâttâs Retkikartta.fi (suomâkielân)
Eres káártáh
-
Aanaarjävri Vääččir Čaarmâuáivááh, 1:25 000 ja 1:100 000 káártáh, Calazo 2021.
-
Njellim Maadâ-Aanaar Čaarmâuáivááh, 1:50 000, Karttakeskus 2021.
-
Pänituodâr Maadâ-Aanaar čäcijiehhee olgonlihâdemkárttá 1:100 000, Karttakeskus 2016.
-
Aanaar čujottâs- já virkosmittemkárttá, 1:150 000, Säämi eennâmmittedâmlájádâs 2013.
-
Enâdâhkáártáh nr:h V522, V524 já W513; 1:50 000, 2008.
-
Vandârdem GT Tave-Suomâ, 1:400 000, 2016.
