Maid Čaarmâuáiváin puáhtá porgâđ?
Jotteeđ vääzin luándust
Čaarmâuáivái meccikuávlust iä lah merkkejum kiäinuh iäge eres palvâlusah, nuuvtpa miäcásteijeeh já vandârdeijeeh kalgeh piergiittâllâđ jiešráđálávt. Jieijâs pálgáid jotteid Čaarmâuáivái luándu addel algâvuáimálijd tubdâmušâid.
Čuoigâđ meecist
Čaarmâuáivái kuávlust iä lah vandârdeijeid palvâlusah. Kuávlust jottee puásuiulmui moottorkiälkkáluodah išedeh ubbâsist čyeigee ovdánem.
Kuálástiđ
Meccikuávlu lááduin já jaavrijn puáhtá kuálástiđ nuuvtá uággumáin já runneuággumáin. Vuoggâkuálástem lii loválâš mäksimáin kyelivaljetipšommáávsu (eraluvat.fi, suomâkielân), eereeb kuálástemkiäldukuávluin (kalastusrajoitus.fi, suomâkielân). Sierânâsčääsih láá merkkejum riddoid áášánkullee tavluiguin.
Meccihaldâttâs kuálástemlope lii vijđásub já addel vuoigâdvuođâ kuálástiđ meiddei ovdeláá mainâšum sierânâsčaasijn sehe kolgee čaasijn kuálástemkuávlukáártá já lopeiävtui mield.
Iänuduv, Aanaar tâi Uccjuuvâ kieldâin fastâässein, kiäh hárjutteh áámmátkuálástem, päikkitárbukuálástem tâi luánduiäláttâsâid, lii kuittâg vuoigâdvuotâ finniđ nuuvtá kyelipivdemlove mainâšum kieldâ staatân kullee čassijd.
Huámmáš et ain, ko kuáláást monnii nube náál ko uággumáin septivuoggáin tâi runneest, te 18–69-ihásiih kalgeh mäksiđ kyelivaljetipšommáávsu (eraluvat.fi, suomâkielân).
Kuálásteijee kalga tärhistiđ kuálástemraijiittâsâid čujottâsâst kalastusrajoitus.fi.
Lasetiäđuid finnee Meccihaldâttâs Avveel palvâlemsaajeest.
Gyrodactylus salaris -luosâparasiit ij lah vala levânâm mii tivrâs, Jieŋâmeerân kolgee luosâjuvváid. Luuvâ lase luosâparasiitist (suomâkielân).
Miäcástiđ
Čaarmâuáivái meccikuávlun vuábdojeh pirrâmpeivij mield räijejum mereh smaavâmeccivaljeloveh. Puásuituálu lii kuávlust merhâšittee áigápuátu.
Miäcástem meerhâš ennuv páihálijd ässeid virkosmittemtoimân, já meccivaljeest valmâštum ärbivyehipurrâmâšah pyehtih maaŋgâpiälásâšvuođâ taveulmui purrâmâšpiävdán. Čaarmâuáivái meccikuávlu väärih já tuoddâreh kiäsutteh páihálijd meccipivdeid. Tergâdumoseh salâselleeh láá sorvâ, čuhčá já riävská. Čaarmâuáivááh láá kuobžâ väldikodde, luhâmettumeh láá toh kilomeettereh, maid pivdoalmaah láá jottáám kuobžâid kuorâdmin.
Iänuduv, Aanaar já Uccjuuvâ kieldâi fastâässein lii rijjâ miäcástemvuoigâdvuotâ päikkikieldâs staatâ enâmijn.
Muorjiđ já kuobârdiđ
Čaarmâuáivái kuávlust láá uccáá jeegih, nuuvtpa lyeme tobbeen ij meendu älkkeht kavnuu. Vuorâččâsmyerjih ađai čyemenjâsah, juuŋah já sareh kávnojeh vandârdeijee vitaminlasseen. Kuobbârij nuurrâm lii Čaarmâuáivái kuávlust loválâš.
