Tave-Lappi, Aanaar, Lemmee aalmuglâšmecci
Váábu Maati aassâmkieddi lii ohtâ Lemmee aalmuglâšmecci tivrâs ärbienâdâhčuosâttuvâin. 1900-lovo aalgâst rahtum tupe tuáimá tááláá ääigi ävđintuppeen.
Váábu Maati tupe lii Lemmee aalmuglâšmeeci tavenuorttârääji aldasijn, Paajeeb Lággujäävri maadânuorttii riddoost. Váábu Maati aassâmkieddi lii njaskum koške nijtto, mii pisoi jolgâdin kuáđuttem, nijttem já tuolmâm áánsust. Uccâ tuuvááš lii huksejum iivijn 1903–1905, mast Váábu Matti aasâi perruinis pirrâ ive 1917 räi. Aassâmkiedist lâi talle meiddei äitti já naavit, mut toh láá ivij mield lappum. Maŋeláá tupe lâi Váábu Maati perruu kuálástemtoorjâpäikkin.
Váábu Maati aassâmkieddi lohtui ive 1981 Lemmee aalmuglâšmeeci uássin. Meccihaldâttâs tivodij tuve ävđintuppeen ive 1994. Tivodem tohhui Váábu Maati kaandâ ravvui miäldásávt, vâi tuve algâalgâlâš olgohäämi siäiluččij. Šiljo lii nijttum ive 1997 rääjist, já ton roobdâin láá suávih já miestuuh njaskum meddâl kiedi jolgâdin siäiludem várás. Vandârdeijei lihâdem oovded šiljo pissoom jolgâdin.
- Luuvâ lase Váábu Maatist.
- Váábu Maati tupe lii ävđintupe, já nuuvtpa tot lii ovttuu áávus já tupán uápásmem lii nuuvtá.
Jotteemohtâvuođah já káártáh
Autoin
- Aldemustáá Váábu Maati aassâmkiedi piäsá Aanaar–Aŋŋel-maađijist (nr 9553). Suullân 24 km keččin Anarist rátkoo Pááđáár kuávlun Pááđáárskäiđi -nommâsâš mecciautomaađij, mon piällást kalga juátkiđ määđhi vääzin. Aassâmkiädán lii maađij piällást mätki suullân kulmâ kilomeetter. Kiäinu ij lah merkkejum miäcán.
Almos jotteemohtâvuođah
- Váábu Maati kiädán iä lah almos jotteemohtâvuođah.
Šleđgâhámásiih káártáh
- Meccihaldâttâs Retkikartta.fi (suomâkielân)
- Lemmee aalmuglâšmeecci káártáh
Palvâlusah
- Váábu Maati kieddi lii jiešráđálâš uápásmemčuosâttâh, mast iä lah uápisteijeepargeeh.
- Váábu Maati tupe palvâl vandârdeijeid ävđintuppeen.
- Kiedist lii tulâstâllâmsaje, liider já koškehiivsig.
- Paajeeb Lággujäävrist puáhtá kuálástiđ Lemmee aalmuglâšmeeci rijjâääigi kuálástemluuvijn (eraluvat.fi, suomâkielân).
Iästuttes palvâlusah
- Čuosâttuvâst iä lah palvâlusah lihâdemiästulij várás.
Čuosâttuv aaitârd: Meccihaldâttâs, Luándupalvâlusah (suomâkielân).
Taan siijđo čujottâs lii aanaar.lundui.fi/vaabumaatitupe.
