Tave-Lappi, Aanaar
Vijđodâh 150 km2, vuáđudum 1991
Čaarmâuáivái meccikuávlu lii viehâ ucce, mut enâduvâidis peeleest eromâš tuodârmecci Aanaar kieldâst Ruošâ rääji aldasijn. Meccikuávlu lii Avelist Njellimân já Räji-Joovsepân mannee maađijij já Ruošâ rääji kooskâst. Meccikuávlu váimus hämmejeh Čaarmâuáivái pajos já Ákálávttááuáiváš, maid iärut nubijnis kieŋâlis Pahaskurrâ.
Tuodârkuávlu roobdâin láá jievjâmkuosâvyevdih já taavaabeln puáris aikkâvyevdih. Vieltih aceh čuásis lahtâ ááimu, já käldeežij čaasijn šaddeh juvviih, moh viijmâg kulgijdeh Looton tâi Paččvein.
Kuávlust iä lah vandârdemráhtuseh, mut hárjánâm vandârdeijee mákkoo Čaarmâuáiváin älkkeht maaŋgâid peeivijd ton fiijnâ enâduvâi keežild. Čaarmâuáivái mučis enâduvâin kávnojeh puoh Säämi luándu jiešvyevih, maid jottee ocá. Meccikuávlu rááján jođetteh iärrás lasseen Kondosjäävri já Naŋŋâjäävri mecciautomaađijeh, já nuuvtpa meiddei peivimađhij toohâm lii máhđulâš.
Čaarmâuáivái mecci lii piivnoh meiddei miäcásteijei koskâvuođâst. Viehâ šiev eennâmloddenääli já máhđulâšvuotâ kuáhtáđ kuobžâ finnejeh maŋgâs jotteeđ siämmáid kiäinuid ivveest ihán.
Kuávlu tipšo: Meccihaldâttâs, Luándupalvâlusah (suomâkielân).
Taan siijđo čujottâs lii aanaar.lundui.fi/caarmauaivaah.
