Muuneeldrahttâttâm
Kalga mušteđ, et kiäinu aldasijn ij pyevti haahâđ innig maiden riäiduid.
Mätkipuhelin kulluuvâšvuotâ
- Kiäinu jođedijn sättih puáttiđ oovdeld motomeh sajeh, kuus puhelinviermih iä ole. Puhelin sáttá meid njuškiđ ryešilii operaattor viärmán. Täärhist mätkipuhelinviermi luávdeevuođâ matkapuhelinoperaattorstâd. Lasseen ain láá sajeh, moin mätkipuhelin ij tooimâ tâi puheluin láá hemâdâsah. Tágárijn tilálâšvuođâin puáhtá išediđ ovdâmerkkân ucâlum váhá aaleeb sajan, jolgâ pááikán. Kannat meiddei väldiđ uáinun, et jieškote-uv mätkipuhelimij kooskâst láá iäruh kulluuvâšvuođâst.
Riäiduh já torvolâšvuotâ
-
Toolâ puhelin já riššâsaagijd lumâstâd jiehhee paakâin. Jis tun roovah čáácán, tun sáátáh monâttiđ puoh eres tävirijd ko taid, moh láá tuu luumâst.
-
Ele vyelgi máátkán kártáttáá já kompasttáá. Jis monnii suujâ tiet tun koolgah väzziđ, kárttáin tun kaavnah maađij oolâ.
- Keevti miäludijnâd ain kobđomliivi.
- Siäilud riäiduid jiehhee farppâlij, seehâi tâi laavhâi siste.
- Čääci lii algâkeesist já čohčuv koolmâs. Váárut tondiet, amas šoddâđ čáácán. Šiev vuoijâmtáiđugin ij äävti, jis kalmoo čáácán.
- Kanottist lii pyeri leđe ákšu, päädih, tivvoompiergâseh já värimeeli.
- Vääldi fárusâd tuárvi lieggâ já piegâtuállee pihtâsijd, meid lieggâ kappeer já kistuid. Kumikistuuh tuálih sisâkistuid koškesin.
- Vääldi fárusâd čuoškâmiirhâid já vuosâišekáálvuid.
- Almoot jieijâd vuáváám kiäinu ustevijdâd já ijjâdemsajasâd.
- Tiätu miällum torvolâšvuođâst já riäiduin: Torvolâš miällum (kanoottiliitto.fi, suomâkielân) já Miällumuápis (melonta.wasalab.com, suomâkielân).
-
Jis tunjin šadda eeti vandârdem ääigi, ovdâmerkkân jis tun lappuuh, parttâšuuh tâi aaicâh meccipuálu, suáiti numerân 112 já toovâ etitilealmottâs. Tuávááštiäđuh etitile ääigi toimâmist.
Seesooŋääigih
- Kárbáinjotteempaje álgá kesimáánu aalgâ peln já juátkoo čohčâmáánu loopân. Pyeremuuh miällumšooŋah láá syeini-porgemáánust.
- Čuoškah láá enâmustáá 25.6. – 15.7. ääigi. Jis tun ijjâdah meecist, te veelti piegâttes soojijd já jeggi- já miestâenâduvâid. Čuoškah iä kirde jolgâ já pieggiis soojijn.
