Piilola pálgást ij lah avžuuttettee jotteemsunde, ko kiäinu puáhtá jotteeđ siämmáá pyereest mäddin tavas ko tavveen máádás. Älkkeemus vyehi vandârdiđ Piilola pálgást lii jotteeđ tom ovdâsmaŋas, ko kiäinu loppâkeejih tavveen já mäddin lává maađij mield jođedijn kukken nubijnis.
Määđhi vyelgimsajeh
- Piilola pálgá máddáápiälááš vyelgimsaje lii Kessintie pellâst Vääččir meccikuávlu maadâuásist, suullân 14 km Njeellim siijdâst tavenuortâs.
- Vandârdemkiäinu taavaapiälááš vyelgimsaje on Sortbrysttjern-nommâsii jäävri riddoost Paje-Paččvei aalmuglâšmeeci tavenuorttiiuásist, suullân 11 km uárjás Vagattem siijdâst.
Kiäinu-uásih
Täst Piilola päälgis lii juohum oosijd ijjâdemmáhđulâšvuođâi mield mäddin tavas, Suomâst Taažân.
- Kessintie–Piilola 20,5 km
- Piilola–Piilolaporttâ 3,8 km
- Piilolaporttâ–Ellestohpu 6,3 km
- Ellestohpu–Sortbrysttjern 4,4 km
Kiäinumerkkim
Piilola päälgis lii merkkejum Suomâst čuovjis muorâstuálpuiguin. Taažâ peln kiäinumerkkân láá čuovjis malâmeerhah muorâin sehe čuovjâdin máálájum, muorâovssijd heŋgâstum meerhah. Kiäinust láá uásih, iänááš Taažâ peln, main ij lah vala šoddâm čielgâ jotteempäälgis.
Kiäinučielgiittâs Kessintie-Sortbrysttjern, 35 km
- Kessintie–Piilola 20,5 km. Piilola pálgá vuossâmuuh muáddičyeđe meetterid joteh tááláá meccituálukuávlust, mast vuovdij kevttim luodah láá čielgâsávt uáinimnáál. Vääččir meccikuávlu álgá 3 km pálgá väzzim maŋa. Meccikuávlu maadâuási ađai Kesjäävri kuávlu vuovdijn uáinojeh vala-uv meerhah 1920-lovo nuurrâmčuoppâmijn, main stuárráámusah peesih láá čuoppum. Kiäinu čuávu Kesjäävri rido mielânpäccee vuovdij čoođâ, main mučis muorâpuáráseh, aaikah, viettih iäláttâhpeivijdis. Päälgis karva čeepiht puoh ruáttáámusâid juovâid. Koldemjäävri láávu lii suullân 9 km keččin Kesjäävrist. Ovdil láávu kalga moonnâđ vala Njaamâjuuvâ rasta šaldemield. Käälin kalga moonnâđ vala Čunoiluobbâljuvvii rasta ovdil ävđintuve. Piilola ävđintupe (suomâkielân) lii Njammijäävri riddoost.
- Piilola–Piilolaporttâ 3,8 km. Taan uásist kiäinu luáddu jeegijd, moi paijeel iä lah pardalâsah. Purdo čokkeluvá Taažâ já Suomâ rääji rastalditmân Piilola rääjirastaldittemsaajeest (rm 353 K): puásuiäiđi iärut kyehti staatâ nubijnis já Euroop Union EU ulguupiäláin enâmijn. Puásuiääiđi paijeel moonnâm várás láá huksejum paijeeljotteemporthááh. Piilolapoortâ ävđintupe lii tuše motomij čuođij meetterij keččin rääjist.
- Piilolaporttâ–Ellestohpu 6,3 km. Vandârdemkiäinu stuárráámusah alodâhmuttuustâlmeh teivâseh taan kooskân, mut allaanmeh láá lääivih. Ellejávri jorŋâ haaldâš taan uási enâduvâid. Ellestohpu ävđintuve aldandijn kiäinu piällást láá luándupälgistaavluh, moh muštâleh Paje-Paččvei aalmuglâšmeeci luándust já kulttuurhistorjást.
- Ellestohpu–Sortbrysttjern 4,4 km. Meid Piilola pálgá majemuu, Sortbrysttjern-jäävri riddoid čuávvoo uási, kovvejeh aalmuglâšmeeci luándust já kulttuurhistorjást muštâleijee uápistemtaavluh. Majemuš láávu lii suullân 2,4 km keččin Ellestohpu ävđintuuveest. Sortbrysttjern-jäävri riddosárgá čuávumáin piäsá Piilola pálgá taavaapiäláá loppâkiäčán.
