Čaarmâuáivái meccikuávlu lii puárispivdoeennâm, moos ij lah šoddâm pisovâš aassâm. Aldemusah siijdah láá Njellim, Áhujävri já Kiđđâjävri ađai Kiäváájävri. Maaŋgah kuávlu päikkinoomâin lohtâseh mecci- já kyelipiivdon. Tehálumoseh salâselleeh lijjii tovle kodde, kuobžâ, čuhčá já čeevris, já toi mield láá maŋgâ pääihi finnim noomâs. Kuolijn tergâdeh láá lamaš njäähi, puško, šapšâ já kuávžur.
