Avveeljuuvâ Kuldal, láigukámppá

19.11.2024
Taan siijđo tiäđuh iä innig peividuvvoo. Tuve tiäđuh kávnojeh eraluvat.fi-palvâlusâst. Väärridmeh ihán 2025 puáhtá rähtiđ spiekâstâhlávt eskin 26.11.2024 tme 9 rääjist čujottâsâst eraluvat.fi.

Láigukámppá (suomâkielân), 8 olmožid / 26 m2. Tuuveest láá ävđintupe- já láigukámppápeeli.

Väärridmeh

Tuuvijd puávtáh väridiđ njuolgist Eräluvat.fi -viermikäävpist (eraluvat.fi).
Väridemiävtuh Avveeljuuvâ Kuldal láigukáámpán (suomâkielân).

Stuorrâ hirsârakânâs, mast kyevti seeinist kyehti laasâ. Rakânâs pirrâ šaddeh suávih já peesih, sehe meccimyerjih.
Kove: Tuija Kangasniemi / Meccihaldâttâs.
Tuve siste láá uáđđimsajeh kyevti keerdist. Uáđđimsoojijn láá madreseh já railâseh.
Kove: Tuija Kangasniemi / Meccihaldâttâs.

Ive 1996 rahtum tupe čuážžu korguus saajeest Avveeljuuvâ taavaa riddoost šiljopirrâsist, mast lii meid historjálâš 1860-lovo loopâst rahtum Kuldal Kruunu Stationi sehe algâalgâliih äitti já riddosävni. Šiljopirrâsist kávnoo meid algâalgâlij sárgusij mield rahtum stuorrâ liäibumviste sehe Kuldal viehâtupe, mon pyehtih laiguuttiđ irâttâsah já ovtâstusah. Šiljopiirâs lii museokuávlu já suápá pyereest tooid, kiäh láá moovtâ kollehistorjást. Rakânâs ohtâvuođâst meid 8 ulmuu ävđintupe.

Sajadâh

Tave-Lappi, Aanaar, Pänituoddâr meccikuávlu

Tuve koordinaateh: Euref-Fin (~ WGS84) lat: 68° 30.3635' lon: 26° 40.9352'  ETRS-TM35FIN: N: 7599320 E: 487007

Retkikartta.fi (suomâkielân)

Tupe lii Avveeljuuvâ taveriddoost suullân 7 km Čuđejuvmjäälmist viestârân, Kuldal Kruunun Station museotáálust suullân 100 m vuálus.

Hadde

60 € / ijjâ (sis 10% álv), ijjâ lii 14:00–12:00.

Čovduuh

Čovduuh láá tuve seeinist čoovdâskaapist syelisääni tyehin. Ravvuuh já syelisääni vuolgâttuvvojeh väridem ohtâvuođâst.
 

Reiskääpih

Kamina já täkkilieggim, kaasuhellá, kerdiseeŋgâin madreseh, kuádáh já lovduuh, olgohiivsig, ij sävni. Čääsi finnee aldaa aijust suullân 30 m keččin tuuveest. Huámmáš, et tuve lieggânem váldá ääigi. Šiljopirrâsist liider-olgohiivsig já tulâstâllâmsaje.

Láigukámppá reiskääpih (pdf, 116 kt)

Vyeijimraavâ

Suáluičielgist kalga vyeijiđ maađij E-75 mield suullân 10 km máádás tâi Kakslauttasiist suullân 2 km tavas, kogo kalga jorgettiđ Kuttoormaađij oolâ. Kuttoormaađij mield kalga vyeijiđ 17 km já jorgettiđ Pahaojamaađijân, kost kalga vyeijiđ 10 km Pahaoja parkkisaje räi. Tälviv Pahaojamaađij ij avrajuu. Pahaoja parkkisaajeest mätki juátkoo vala suullân 12 km määđhi.

Huámášutmeh

Elleeh láá tiervápuáttim tupán. Tuuveest lii meiddei ävđintupepeeli.

Museokuávlust uážžu meid cegâttiđ telta. Kuldalân jotá Pahaojast 12 km merkkejum kesikiäinu. Avveeljuuvâ já Suátijuuvâ paijeel láá hiäŋgušaldeh. Tuve kuuvl piäsá meid miälun. 

Pasâttâshuolâttâs

Tuuveest láá pasâttâsliteh, mut vandârdeijeeh avžuuttuvvojeh pyehtiđ ruskijdis meddâl meeccist. Luuvâ lase ruskâttis vaandârdmist.

Huolâttâsâst västideijee

Meccihaldâttâs, Luándupalvâlusah.
Lasetiäđuh Urho Kekkonen aalmuglâšmeeci äššigâspalvâlmist, puh. 0206 39 7200, já Paje-Laapi luándukuávdáš Siida, puh. 0206 39 7740.